Балалардың «сыйластық» құндылығы туралы түсініктерін кеңейту. Ризашылық пен алғыс туралы түсінік беру, үлкен - кішіге деген сүйіспеншілігін, сыпайылық қарым - қатынасын дамыту, әдептілікке, кішіпейілділікке, ізеттілікке тәрбиелеу.

Қонақтарды жүргізушілер және кішкентай бүлдіршіндер қарсы алып, балалар ауылындағы әр түрлі бекетке саяхат жасауға шақырды. Саяхатты «Алатау» шығармашылық үйіндегі  «Мейірімді жүректен» бекетінен бастады.

Бұл бекетте қонақтар «Сары тауық және оның балапандары» атты театрландырылған көріністі тамашалады. Сонымен қатар тәрбиеленушілер жүректерінен шыққан алғыстарын білдіріп, қошеметке ие болды.