«Бөбек»  қайырымдылық қорының негізін қалаушы Сара Алпысқызының туған күніне арналған «Алтын жүректі Анамыз!» атты   мерекелік шара өткізілді 

      Мақсаты: Қазақстанның бірінші ханымы «Бөбек» балалар қайырымдылық қорының Президенті Сара Алпасқызы Назарбаеваның өмір жолын, жалпы адамзаттық рухани құндылықтарға бастайтын қайырымдылық іс-шараларын, еліміздегі адамгершілік-рухани білім беруінің дамуына қосқан өлшеусіз үлесін, жер бетіндегі өмір сүрген барлық бүлдіршіндердің арманы – өзара түсіністік пен сыйластықты сақтауы деген қағидасын  тәрбиеленушілерге түсіндіре отырып, бала бойына «мейірімділік», «қайырымдылық»  қасиеттерді  сіңдіре білу.

        «Атамекен» отбасы үлгісіндегі балалар ауылында  «Бөбек» қайырымдылық қорының негізін қалаушы Сара Алпысқызы Назарбаеваның   туған күніне орай  «Алтын жүректі  анамыз!» деген тақырыпта он күндік ұйымдастырылды.  Он күндіктің соңғы күні мерекелік кешпен жалғасын тапты.  Әрбір  баланың шуақты шаңырақ астында  тату тәтті өмір сүруіне дәнекер болған  қамқоршы анамыздың туған күн мерекесіне барлық тәрбиеленушілер  белсене араласып,   ерекше көтеріңкі көңіл-күймен тойланды.  Мерекелік кеш үш  бөлімнен  құралып, сайыс түрінде ұйымдастырылды. Сайыста жеті отбасының тәрбиеленушілері бақ сынасты.  Бірінші  бөлім, «Туған күнге тарту»  деп аталып, туған күн иесіне тәрбиеленушілер  өз қолдарымен әдемі сыйлықтар жасады. Екінші бөлім,  «Сара анама арнау» деген айдармен  аяулы анаға өз жүректерінен шыққан өлең жолдарын  жатқа  мәнерлеп оқыды. Үшінші кезекте, «Әнімді сізге арнаймын»  деп  мейірбан анаға арнап әсем әндер шырқалды.   Жоғарыда аталған   үш  турдың   арасынан   «Ең үздік отбасын» анықтау үшін қазылар құрамы сайланды.  Қазылардың  арасында,  «Балалар мен жасөспірімдерді әлеуметтік қорғау» бөлімінің басшысы – Жүнісова Шолпан Оралбайқызы, «Балалар  мен жасөспірімдерді әлеуметтік  қорғау бөлімінің» бас маманы  Қайруллаева Ақнұр  Бөкенбайқызы және де «Атамекен» отбасы үлгісіндегі балалар ауылының  директоры  Скакова Лиза Ноғайқызы   болды.  Төрешілер  тәрбиеленушілер  жасаған сыйлықтарға,   оқыған көркем сөзбен   әуелетіп салған әсем әндеріне  үлкен ризашылықтарын білдірді.  Мейірімді жүрек иесі, алтын жүректі  ардақты  анаға  деген  балалардың ыстық ықыласын  байқаған  қазылар алқасы бәрінде үздік деп  бағалап,   өнерпаз балаларға бағалы сыйлықтар табыс етті.