«Атамекен» отбасы үлгісіндегі балалар ауылының мектеп бітіруші түлектерінің мамандық таңдауларына байланысты «Мамандықтың бәрі жақсы, қалауыңша таңдай біл» тақырыбында дөңгелек үстел өткізілді   

Өтілген орны: «Алатау» шығармашылық үйі.

 Күні: 16.02. 2019 жыл.

Уақыты:  11:00

            Мақсаты: Тәрбиеленушілерді әртүрлі маман иелерімен таныстырып, мамандықтар туралы кеңестер беру, мамандық әлемі туралы ақпарат алу арқылы және өзін тану шекарасын кеңейту арқылы мамандық бағытын таңдауда жауапты шешім қабылдауға баулу.     

           «Атамекен» отбасы үлгісіндегі балалар ауылының биылғы мектеп бітіруші түлектерінің  мамандық таңдауына бағыт-бағдар беріп, мамандық таңдау мүмкіндіктеріне  көмек беру  мақсатында жоғарғы оқу орындарының оқытушыларымен бірге дөңгелек үстел ұйымдастырылды. Бұл кешке   Қорқыт Ата атындағы Қызылорда мемлекеттік университетінен  «Педагогика және психология» кафедрасының аға оқытушысы, педагогика ғылымдарының магистрі Қ.Қойшыбаева және де «Экономикалық теория және мемлекеттік басқару» кафедрасының оқытушысы А.Мұхтарқызы, «Болашақ» колледжінің  оқытушысы Б.Узакова, М.Ықсанов атындағы Қызылорда политехникалық колледж оқытушылары Ұ.Шамаханова, Г.Танкаманова, Е.Қосаев сияқты мамандар келіп тәрбиеленушілерді  ойландырып жүрген көптеген сұрақтарға жауап берді. Кез келген адам мамандық таңдауда өзінің қызығушылығына, қабілетіне, бейімділігіне, қалауына байланысты таңдау керектігі ескертілді. Қазіргі кезде заман талабына сай, қоғамға қажет мамандықтар ақпараттық технология, инженерлік мамандықтар, сервис қызметкерлері, тігінші, шаштараз т.б. сол сияқты мамандықтар оңтайлы және де табыс көзіне айналдыруға болады деген сияқты пікірлер айтылды. Мамандар өздерінің оқу орындары жайында мәліметтер айтып, қызықты  бейнероликтер  арқылы түсіндірме жұмыстарын жүргізді. Мектеп бітіруші түлектерге  қалаған мамандықтары бойынша оқуға түсіп, белгілі мамандық иесі болуларына тілектестіктерін білдірді. Кеш соңында келген қонақтардың құрметіне арнап «Атамекен» ауылының өнерпаз тәрбиеленушілері әннен шашу шашып ерекше әсер сыйлады