Мақсаты: Балаларды қорғау дегеніміз – әрбір сәбидің тыныштығын қорғау, тәтті ұйқысын бұзбау, алаңсыз күлкісін тоқтатпау деген сөз. Міне осы орайда, «Атамекен» отбасы үлгісіндегі балалар үйінің тәрбиеленушілеріне  бұлтсыз күн, ашық аспанның астында  мерекелік көңіл күй сыйлау.   

      «Атамекен» отбасы үлгісіндегі балалар ауылының алаңында ұйымдастырылған, «Бақытты, байтақ елдің бөбегіміз» атты мерекелік кешіміздің сахнасы  көңілді музыка ырғағымен тәрбиеленушілердің орындауындағы  «Көңілді жаз» флешмобымен  ашылды. Бұдан кейін, баяу музыка ырғағымен екі жүргізуші шығып  жиналған көрерменді  1 маусым балалар күні  мерекесімен құттықтады. Сахнаға рухани жаңғырудың киімін киген тәрбиеленуші шығып, өзінің оң қанаты – білімнің салтанат құруымен және  сол қанаты – сананың ашықтығымен  таныстырды. Бұдан соң, «Атамекен» балалар үйінің тәрбиеленушілерінің жыл бойғы жеткен жетістіктері  аталып,  есімдері аталған өнерпаз  балалар қолдарына алғыс хат, дипломдарын ұстап сахнада қатарласып тұрды.  Алғашқы құттықтау сөз,   Облыстық білім басқармасының орынбасары – Бердәулетов Бағдат Камбозұлына берілді. Бұдан кейін өздерінің жылы лебіздерін білдіру үшін «Атамекен» балалар үйінің тәрбиеленушілерінің демеушілері – Мұнай компаниялары мен білім мекемелерінің қызметкерлері  сөз сөйлеп  балаларды мерекелерімен  құттықтай келе, арнайы алып келген мерекелік тәттілермен  бағалы сыйлықтар табыс етті. Қызылорда облыстық ішкі істер басқармасынан жылдам қимылдайтын арнайы жасақ тобы келіп өз өнерлерін көрсетумен қатар балаларға үстел  теннисін сыйға  тарту етті. Мерекелік кеш одан әрі  тәрбиеленушілердің орындауындағы әсем әндермен көңілді билермен жалғасын тапты.