08.05. 2018 ж. күні «Атамекен» отбасы үлгісіндегі балалар ауылының музыка жетекшісі Оспанова Дана Толыбекқызының жетекшілгімен дайындалған «Арманға қанат қаққандар» атты есеп беру концерті болып өтті. Коңцертке балалар ауылының өмірімен тығыз байланыста болып, әрдайым  қолдау көрсетіп, демеушілік жасап жүрген жомарт жандар мен Ауған соғысының ардагерлері, Тілдерді дамыту орталығынан, Орталық мешіт имамдары т.б. қонаққа шақырылды.

Концерт балалардың бір жыл ішінде жеткен жетістіктерімен сахналық көрініс қойылып, Қызылорда қаласының 200 жылдығы, Ұлы Жеңіс күні, т.б. тақырыптары қамтылып, ән салынып, би биленді. Сонымен қатар балалардың өз қолдарынан жасаған қолөнерінен жәрмеңке ұйымдастырылды.

Нұрсауле Мусаева – Тілдерді дамыту орталығының директоры, Раиса Ханифовна – Аналар кеңесінің төрайымы, Баймаханов Қайраддин – Ауған соғыс ардагері, Болатбек қажы Ұласқанұлы Қазақстан мұсылмандары діни басқармасының Қызлорда облысы бойынша Өкіл имамы,  облыстық «Ерлік» үйлестіру кеңесінің төрағасы, Дауылбаев Гайдар, София Теңізбаева, Ерлан Мусаев секілді қаламыздың белсенді азаматтары мен азаматшалары балаларды мерекелерімен құттықтап, сыйлықтарын табыстады.  Концерт соңында балалар ауылының директоры Л.Н.Скаковаға сөз беріліп,  барлық демеушілік жасап келген абзал жандарға рахметін айтып,  алғыс хат табыстады.