14 наурыз Қауышу мерекесіне орай «Атамекен» отбасы үлгісіндегі балалар ауылының тәрбиеленушілері Жаңақорған ауданының ардагерлері - Сахиев Файзулла халықаралық Жазушылар және Қазақстан журналистер одағының мүшесі, бірнеше кітаптың авторы, ақын, жазушы, зейнеткер, Жаңақорған аудандық ардагерлер кеңесінің хатшысы және Абылаев Талғатбек Жаңақорған аудандық  денсаулық сақтау саласының ардагері, салалық кәсіподақ ұйымының төрағасымен кездесті.

 «Атамекен» Отбасы үлгісіндегі балалар ауылының ауласында қонақтарды қазақша киінген кішкене бүлдіршіндер ардагерлерді қарсы алып, өздерінің тұратын үйлері мен жай-күйлерін таныстырып өтті. Одан кейін қонақтарды «Алатау» шығармашылық  үйінде дайындалған концерттік бағдарламаны тамашалауға шақырды. Шығармашылық үйде 30 минутқа дайындалған сахналық көрініс пен коцерттік бағдарламаны ардагерлер тамашалап, қонақтарға тәрбиеленушілердің өз қолдарымен жасалынған қолөнерден естелік сыйлық табысталды. Сонымен қатар ардагерлерге арнау өлең айтылып, тәрбиеленушілерге ардагерлеріміз өз ақ батасын берді. Мерекелік концерттен соң ардагерлер мерекелік дастарханнан дәм ауыз тиіп, тәрбиеленушілермен дидарласты.